Sempre en garda, con enerxía inesgotable

11 Abril 2014

"Loitar, loitar e despois volver loitar. A min o que me ensinou a vida é que a loita nunca remata. Cando pensas que chegas á meta, dáste de conta que aínda hai moitas cousas que facer e que hai unha serie interminable de batallas ata chegar á vitoria final". Estas son as verbas coas que José Carlos agasallou á Xuventude Comunista cando lle pedimos que nos dera un consello, que repartira con nós algo da sabedoría dos seus anos de militancia e que compartira con nós a clave para ser un bo revolucionario ou revolucionaria.

Ler máis...

A pola 3ª República. A polo proceso constituínte.

02 Xuño 2014

O Réxime está esgotado. O marco político e económico acordado pola burguesía en 1978 quebrántase. Hai unha semana, os dous partidos que se suceden en quenda no poder, non acadaban nin un 50% dos votos nas eleccións europeas. E agora, á desesperada, o rei abdica e os voceiros do poder intentan convencernos de que ten que haber unha sucesión sen sobresaltos.

Pero como non vai haber mobilización popular, se a monarquía foi a clave de bóveda dun réxime corrupto, inmobilista e que excluíu a clase traballadora do proxecto de Estado? Condenáronnos ao paro, ao exilio económico, á precariedade e á pobreza, mentres protexían os seus beneficios obtidos do noso traballo. Quitáronnos demasiado, agora querémolo todo.

Ler máis...

ANTE A DETENCIÓN DE 6 COMPAÑEIRAS ONTE EN SANTIAGO DE COMPOSTELA.

08 Abril 2014

Onte foron detidas en Santiago de Compostela 6 persoas vencelladas ó movemento estudantil da cidade. Acusadas de atentado contra a autoridade, desordes públicos, danos e lesións, as compañeiras e compañeiros foron postas hoxe en liberdade con cargos tras prestar declaración xudicial.

E é que este Réxime, en clara decadencia, non atopa outro xeito de respostar ó pobo que se ergue. Os paus, as multas e as detencións son xa a única maneira que teñen calar a voz dos e das humildes. Especialmente dura está a se tornar a represión contra as mozas e os mozos de todo o Estado. A nosa loita decidida por un ensino público e de calidade, por un emprego digno e por un novo modelo de sociedade asusta cada día máis ós herdeiros do franquismo. Porén, con espírito revolucionario, non estamos dispotas nin dispostos a dar nin un só paso atrás na nosa loita.

Ler máis...

O respeito polos dereitos laborais de Mercadona

04 Abril 2014

O pasado 15 de Febreiro tivo lugar unha concentración solidaria no centro Mercadona de Bertamiráns. Dende alí denunciamos a situación que sofren as traballadoras da empresa, especialmente as delegadas máis activas.

Baixo os lemas “Non a represión sindical en Mercadona” e “Mercadona non respecta os dereitos e a dignidade das persoas” a Federación de Comercio, Hoteleira e Turismo de CCOO convocou a mobilización. A concentración enmárcase nun programa de protesta que pretende frear o acoso que sofren as delegadas do comité de empresa de Mercadona desta provincia. 

Ler máis...