Valoración das eleccións autonómicas do 25S


Os resultados das autonómicas do 25S amonsan a capacidade do réxime para manterse. O PP sae fortalecido destas eleccións, tanto a nivel nacional como a nivel estatal, deixándoo nunha posición cada vez máis favorable no marco da crise de gobernabilidade. Mentreas, os resultados de En Marea, o proceso polo cal apostamos as mozas comunistas galegas, amosan que, pese a ser a alternativa ao réxime en Galiza, están lonxe de poder plantexarlle cara ao PP.

Ler máis...

A poucos días da xornada electoral do 25 de Setembro cómpre deterse, levantar a cabeza e dar as últimas estocadas coa vista posta no horizonte, sabendo de onde vimos e cara onde imos.

Estamos ante un punto de inflexión dun ciclo político, tal vez nun fin. Está claro que vivimos un momento histórico, pero non un momento culme dos últimos catro nin oito anos. Atopámonos ante un momento histórico do período político iniciado en 1978.

Ler máis...

     Din que o galego é unha lingua falada por menos de 3 millóns de persoas. Unha lingua coa que case non podemos traballar noutros países de Europa. Coa que imos a poucos sitios. Non coma o alemán. Ou o mandarín, que nos permite conversar con mil millóns de chineses.
        Pero nós preferimos a nosa lingua. Porque non falamos acotío cun chinés ou cun alemán, e si que o facemos cun galego ou cunha galega. Mídense as linguas  en «ata onde chegas con ela»? Nós cremos que se o seu valor está en se a podes usar en todos os momentos da túa vida, na túa terra e no teu posto de traballo. O galego é útil en todos os momentos do noso día a día: dende que collemos o bus, ata cando tomamos o café, compramos o pan, ou cargamos gasoil. Cando imos á escola e falamos cos e cas compañeiras. Que valor ten unha lingua se non é a de ser ferramenta para relacionarte co entorno?

Ler máis...

Hoxe, 25 de xullo e día de Galiza, é un bo día para lembrar as loitas que a clase e traballadora e as clases populares do país levaron a cabo durante este ano. Loitas por postos de traballo dignos de Alcoa, Extel, MsF, e todas as que de xeito cotiá teñen lugar. Loitas por unhas condicións de traballo dignas no noso agro das gandeiras, loitas estudantís contra unha educación cada vez máis ao servizo do mercado neoliberal e anárquico e a permanente loita tamén das mulleres galegas contra a lacra da violencia machista. Loitas que xorden como resposta aos ataques que sufrimos por parte da burguesía e pequena burguesía a través das súas distintas facianas e intereses.

Ante esta realidade, a Xuventude Comunista xunto coa Unión de Juventudes Comunistas de España, entendemos a necesidade da unión de todas as traballadoras do Estado español como único medio para a loita por unhas condicións de traballo dignas, unha educación e unha sanidade públicas e de calidade, a fin do patriarcado e, como obxectivo irrenunciable, o socialismo.

Ler máis...

En Galiza no 2015 houbo 2432 desafiuzamentos e só no que leva do primeiro trimestre deste ano en Vigo leváronse a cabo 129. Contrario  a esta realidade, na cidade o alcalde nega calquera situación de desaloxo invisibilizando así á mesma. É así como a pesar de admitir que o ano 2015 foi pechado con superávit, na cidade non se dan solucións que poidan axudar as familias en risco de exclusión social e mentres a agrupación socialista e a Xunta pásanse a responsabilidade dunha a outra os prazos para dar solucións están a esgotarse.

Ler máis...