A Xuventude Comunista na Galiza ven de constatar, a través da Asociación Sen Papeis da Coruña (organización partícipe dentro do Foro Galego de Inmigración) a actitude desproporcionada e violenta da Policía Local da cidade para co colectivo de manteiros da mesma. Son moitos os puntos álxidos desta crúa represión, servindo como exemplo o acontecido no pasado verán, no que incluso un axente vestido de paisano chegou a encanonar cunha arma a un veciño senegales da cidade.

Durante a fin de semana dos días 3 e 4 de decembro, tivo lugar en Praga o 9º Encontro de Organizacións Xuvenís Comunistas Europeas. Convocado pola KSM (Xuventude Comunista da República Checa), a XC estivo representada no evento por un camarada do noso Comité Central.

Como vén sendo habitual nos últimos tempos, o Goberno do PSOE preferiu morrer matando antes que resistir ante os intereses da oligarquía empresarial, aprobando, como última medida do seu mandato, un Real Decreto que profundiza no desmantelamento dos dereitos laborais da xuventude. Isto pon en evidencia unha vez máis que, mentres o poder real o controlen os banqueiros, empresarios e especuladores, os dereitos conquistados pola clase traballadora nunca deixarán de estar en perigo.

Na madrugada do 25 de Novembro, a estatua de Benedicto XVI en Compostela apareceu pintada de cor morada, simbolizando que a violencia patriarcal non é so a agresión física, tamén o é homenaxear a cabeza visíbel da Igrexa católica, institución que pretende coartar a liberdade sexual da muller e que fomenta o terrorismo machista, como puidemos comprobar recentemente coas declaracións do Arcebispo de Granada, que literalmente dixo que “se a muller aborta, o varón pode abusar dela”.